我個秘密又多一個人知喇, 守一個秘密真係好難.... 好想同人講, 又唔可以講出黎, 想人俾意見, 又唔知人地會點諗, 而且講左出黎一定唔會讚成~~

希望佢能夠蹲守我架諾言啦, 如果唔係我一定會憎死佢囉!!!!

今日心情起伏得好快, 等我講一講先....

放左工我地一班同事一共5個一齊去飲鑽石山飲茶, 講下細個D醜事, 鬼故, 同埋D咸濕野等等, 笑下笑下我地俾人趕先走人~ 哈哈哈哈... 之後就同其中4個同事我, RONNIE, PERRY, ALICE就去左打機, 不過都係得我同RONNIE打... 我地玩槍GAME, 因為我地玩槍果個GAME有人質架, 係唔可以射佢地架, 但我就乜人都射, 總之見人就射啦, 話咁快我就死晒D命喇~~ 本來同我地都想繼續玩架, 不過我要去粉嶺教野, 而且仲遲晒喇.. 所以一定要走, 本來都好地地, 走果時我都好開心, 有講有笑... 但係唔知點解上到車突然個心情好似好DOWN咁, 唔知想點... 好唔開心~~ 唔好問我點解, 因為我自己都唔知點解~~ 我未試過咁樣... 個感覺好似好多心事咁囉~~!!

你幾時返呀~~ 我好多野想同你講呀....

過左去果兩個星期都好忙, 返工、星期六返完工接住又要去教化妝班, 走兩PART, 唔同地方... 有時趕架時候都覺得自己有D似癲婆, 尤其係落雨果日仲似呀, 拉住個"GEEP", 又狼狽BOR... 唉~~ 有時都覺得幾勀, 雖然咁講, 如果自己返工係返9-5架話, 我相信如果有班O係放工架時候要教, 我都會去.. 可惜丫~~ 所以而家要迫晒D班去星期六日教..... 我知我ENJOY架~~

lee幾日都好開心, 同d同事過得好開心.... 食lunch玩, 放工又玩, 感覺好好~~ hahaha.... 我地每有戲上畫就會plan去睇戲, 仲plan埋黎緊lee個星期日去海洋公園添, 如果我真係去得架話, 到時我又會癲一番架喇~~ 同佢地熟左, 我真係咩都可以玩一餐!! 哈哈哈哈....

UM... 同佢關係而家都無乜點, 我估之前真係無野諗搵野返諗掛, 而家又無左果個感覺喇, 可以而家有其他開心野蓋住左啦~~

慘!!!!!!!

已經第二次發夢見到佢~~ 我地仲拖手, 最尾我仲講... 我知道自己要乜喇, 我要話俾佢地知我地一齊左~~ 今次真係死得喇!!!!

嘩.... 都足足無打日記成一個月喇, 唉!!! 真係無恆心喇.... 不過都唔係無所事事, lee一個月黎我都係行工, 因為我搵到工做喇嘛... 而且星期六又做埋化妝班, 都好忙忙貓, 不過都幾享受咁忙架感覺~~ 唔洗好似以前咁擔心下個月有無班開, 要儲埋無job果個月架錢... 而家好好多~~ 唉... 而家先咁諗, 真係遲左好多!!! 始終我都係要衰過先知衰架喇~~~

而家返工都識左幾個同事, 都開始熟起黎喇, 一齊去街啦, 一齊玩, 仲傾埋電話添... 都覺得幾開心架~~!!!

同兩個朋友講左我一個秘密, 兩個架反應同俾我架回應都唔一樣... hahaha~~ 一個就同我講『你諗下你好想生bb個bor.. 你要生bb果d人黎個bor~~』佢唔想我改變, 但另一個『你無論點改變, 我都仍然都愛你....』哈哈哈哈.... 之前都唔係好明白你點解會行lee條路, 但係到我竟然想有咁架轉變架時候.... 我明白果種感覺真係幾難去形容, 感覺好體貼同舒服~~ 其實我都未知自己想點住, 不過亦都唔係抗拒... HEEHEE~ 好矛盾呀!!!

你快D返黎啦~~ 我好掛住你呀..... 你走左就好想見到你~~  (我想見到你多過見到ALEX 呀~~) HAHAHAHA....